SCANCIO et SCANCIONARIUS

SCANCIO, et SCANCIONARIUS

in L. Salica tit. 11. §. 5. alibique apud recentioris aevi Scriptores, Pincerna est, Gall. Eschancon, a Germanico schencken; fundere. Officium Scancionaria, Gall. Eschanconerie, sub quo titulo, Scancionarios, Clericos in Scancionaria, Madelinarios, Summularios Scancionariae, Bacillarios, Boutarios, Quadrigarios boutorum, Potarios etc. fuisse comprehensos, docet Not. ad Ioinvillum p. 109. Car. du Fresne. Apud Wisigothos, huic muneri qui praeerat, Comes Scanciarum vocatus est; hodieque vulgari Hispanorum linguâ Escanciar est poculum porrigere. Vide supra in voce Pincerna, item Pocillator, et Potarius.